الرجوع المستحيل
---------------
جاى ترجعلى تانى\ أسمحلى ده عبث
مفكرنى لعبه فى ايدك\ ولاعصفوره فى قفص
الورده لو سبتها تدبل \تموت من العطش
راجع تقولى قلبك رق\ ولابينى وبينها عرفت الفرق
اللى تمللى يمشى فى نفق\ يعرف قيمه شمس الشرق
م انا كنت محافظه على حبك\ وحبك كان اغلى ماعندى
مكنتش عارفه ان حبك\ يحب ياخد ولا يدى
مع انى كنت مستعده \فوق لهيب النار اعدى
والنار بالنسبالى بارده \اصلى الحب اصرار وتحدى
ولايمكن ياحبيبى ارضى \ أعيش بدونك لوحدى
بس رضيت انهارده لما لقيت\ فى بعدك راحتى
وبعد ما الحب نبضه وقف\ والحنان ضاع واتخطف
تقابلنى بنفس المنعطف\ ياسلام على ترتيب الصدف
المره دى اللقا اختلف\ لقيتك بغدرك تعترف
كان حقيقى ليا الشرف\ انك تقولى سامحينى
ربنا قدر ولطف\ وراجعلك تانى تضمينى
جاى تترجانى\ أرجعلك تانى\ للاسف
حبك مش داخل كيانى\ حتى لو للجرح اتوصف
لما تعشق قلب غيرى\ وعشانه تسيبنى
يبقى ماعتدكش قلب\ حبه يناسبنى
لو بتحبنى\ تخسرنى\ ولا تكسبنى
من جراحك هتداوينى\ ولا بيها تصبنى
كلمه هقولهالك \صدقنى واسمعنى
جرح القلب ذنب \وبكره تفتكرنى
كنت فاكرنى هضعف \وانافس على رجوعك
ولافاكرنى هعطف \اول ما اشوف دموعك
اعذرنى مسيرك هتعرف\ لو زمانك خانك
وتقدر قيمه جرحى\ لو صحى ضميرك
حنانى لوعه اشتياقى \فاروقونى يوم ماحبك خان
وياما طول عمرى ياما\ بطلب نعمه النسيان
لكن رفضتها الكرامه\ وقفلت قدامها البيبان
اصلى الكرامه علامه\ تميز الانسان
سهل اسامح فى اللى يوجع
صعب انسى والاصعب ارجع
سهل اسامح سهل اصفح
صعب ترجع ومالكش مطرح
عايزنا نرجع للى كان \هات قلب من غير جراح
قلب خالى من وجع الليالى\ قلب متكشرلهوش جناح
طلب لو قدرت تحققه \ هقولك برضه انسانى
قلبك لايمكن اعشقه \مهما كان يتمنانى
اللى داق العذاب مره\ فى السعاده تلاقيه انانى
وانسانى
----------------
وحيد احمد
