(دنيا الوحوش)
بدون أسباب لقيت نفسى فى وسط العاب
لقيت دستوره ينهشنى وسن عليه أنيابه
وانا المسكين ما ليش أنياب
يشفى لحمى بالحته وبسنانه يقطعنى
شرايح جاهزة للعشوة بياكل فيه ما يشبع ويتلذذ كإنى كباب
......................................
شفط دمى كإنه عصير بيشرينى يمصمص فيه بشفايفه ويضحكلى فقمت بكيت وقلت يا ربى ما تغتنى
دا انا إنسان مانيش عناب
قانون الغاب قانون ظالم قانون فيه الغنى يرتع ويتمتع ويتشخلع ويدلع على عرشه ويبنى فلل ويبنى قصور ويبنى براج
فيطلع بيها فى العالى تقول يا حلوتى يا جمالي سلبونى ادى روصية هدية من عندى لأحلى سحاب
قانون فيه الغنى باشه بيتأمر ويتشرط ويتظرظر ويتشخط وينطر فينا بنباحه دا ديب مصعور عدى الكلاب
.....................................
ما هو الباشا دا كله فلوس زكايب فيها بيعبى ما بيملش ولا يكسلش مطاع امره فى اى احوال فلوسه عملها من الشمال
ويحيى سهرته بالليل فى احضانه ببنت الليل فيتشقلب ويتنطط يظبطها ويتظبط وفى الاخر تاخد قرشين بقا وتمشى تقوم تاخد وراها الباب
........................................
قانون فيه الفقير منداس بكل مداس
ياخد سرمة على دماغه يفوق من كل أوهامه
ما هوا فقير نسى إنه عايش حافى بيشرب ميه م القله ينام تعبان على حصيرته واخد ركناية ف الضله ومش
من حقه يتغطى وليه يتغطى ما هوا حقير حتى مالوش لزمه
وعاش عمره ساكن عشه كمان كل اللى كان حيلته لباس كستور مالوهش مثيل
وأصله وارثه عن جده ميراث غالى لعيله
كلها تلالى بتتعذب وتتمرمط وتتشمط بقا بخوازيق م هما فران فى وسط الغاب
........................................
وفين انت يا أطول ناب
هناخد لحظة من وقتك وم تزعلش دا انا بحبك دا كل ما فيك أكيد يتحب دا انت الملك
واحنا الرعاع غدانا زبالة وف غابة اسمها
الدنيا نعيش أيامنا جنب الحيط لا مش بالظبط جنب الحيط دا جوه الحيط دا انا من كتر حب الحيط بقينا صحاب
......................................
عرفته من وانا فى لفه شاركنى اللحظة باللحظة ولا الأنتيم كمان شبيت وشبت معاه بقينا أغلى م اللصحاب بقينا أحباب
أقول تانى يا نجم الغاب أحب أشكر مزيد فضلك على جهدك على عملك على حمايتك لنا وحرصك
وباشكر كل أتباعك نمور وفهود سباع وضباع
واخص تحيتى بعقاربك وتاعبينك بتسرح فينا وبتلدغ تزغزغنا بدون أوجاع
دى حاشية كلها بركة تعبر لينا عن فكرة تموت بيها أحلامنا وآملنا طموحاتنا وإبداعنا
تجازينا بما بوش منحوس يلازمنا بأعمارنا كبوس إنك تكون ساكت ما تتكلمش وتعبر وما تفكرش وتقرر من الأفضل تكون أخرس م لكش لسان تكون
أعمى عن الحرمان تكون أطرش وليه كل
الهموم ديه ما اموت احسن واروح فى تراب
.....................................
وأختم بيك يا أسد الغاب
ياريت تقبل هدية فار هدية محندقة وحلوة لغول الغاب
عصير كوكتيل تدوقه لما تتعكنن أو لما تكون محتاج اقولك برده تكوينه بسرعة أوعى يوم تنساه
تلت منجات عليهم معلقة سرطان وسنت زفت متكرر وكوبايتين مجارى صرف
ترشهم بشوية مش ويضربوا بقا ف خلاط
ويتصبوا ف كاس المر وتشربهم
أوام ع الريق وتدعيلى بألف هنا خلص الحساب ، خلص الحساب .
بدون أسباب
