يا طول بعدك..بقلم رمضان العلالقة

يا طول بعدك
.....................
تعيش الروح عذاب و حنين
و بعـــد ســنين تعـــود تاني
تخلي الروح في نار و أنين
و دمــع العــين و أشــجاني
أداري فــي هــواك محــتار
يا طول بعــدك و حرماني
 حاولت اطفي بأيـدي النار
تقـــيد النــار فـي وجــداني
أنام و اصحي و بيك مشغول
أنا المقـــــتول و تنســاني
أنادي ع الهـــوى الغــــدار
يعـــود لي طيــفك الحــاني
اخــــبي الـدمع و الأفكـــار
م أنا المحـتار و مش داري
أفكـــر في هـواك ملهــوف
ما بين الخـوف و أوهــامي
أتاري اللـيل معاك بيطـول
ببات أبــكي عـــلى حـــالي
و أتوه م الآه و م الأقـــدار
منش مخــتار ولا فـي بالي
و ليلي معاك يطول في فراق
و كاس الصبر كان خـالي
بناجي الطيف مع الأشواق
بقيت مشتاق و أنا ف ناري
............................
بقلم / رمضان العلالقي