وحيد احمد ابراهيم

الامه العربيه
--------------------
لاتقول -----
مصر ولا السعوديه
ولاليبيا ولا سوريا
ولا تونس ولا جزائر
ولامملكه مغربيه
كلنا أرض واحده --- باللغه مرويه
واللغه الجاحده جوانا ------ منفيه
كلنا يد واحده ---------أمه عربيه
تجمعنا الفطره الايمانيه --------
توحدنا الرحمه الملائكيه -------
كلنا لادم وأدم من تراب
هوه صحيح فى التراب داب
لكنه وصانا اننا نكون احباب
لو حد فينا اتسأل التانى يرد الجواب
كلنا جنب بعضنا ما يكون الاتحاد فى غياب
واللى ماتجيبه الحنيه يوم يجيبه العار
وأحنا لازمنا قرار لايمكن نصير أغراب
---
أتحاد امريكى واوروبى بقيوا سلاطين
وأحنا المتوحدين بقينا متفرقين
فينك يا أتحاد عربى يا قوى يا متين
ايه -- منتظرين يجمعنا صلاح الدين
صلاح الله يرحمه مات من مئات السنين
لكن احنا أحفاده ومنه قريبين
معلمناش نكون مع بعضنا مختلفين
قالنا الوحده سبب أنتصار حطين
لو سمعنا نصيحته مش هنبقى فريسه للجعانين
وهوه ده هدفهم وله مخططين
الحزمه للاسف أتفرقت قوللى راحت فين
أرض بتتنهب ونساء ورجال ضايعيين
أطفال بتنضرب عن الامان متشردين
والباقى للاسف واقفين متفرجين
العود ينكسر لو اتلموا عليه اتنين
لكن الحزمه تعصى لو اتلمت الملايين
فى الوحده افاده وأراده لرجوع السياده
كلمتنا كانت سيف --- وبالسيف مننا خايفين
ليه تضيع كرامتنا واحنا معصوبين العين
فووووقوا يلاش بعزقه فينكم يارجال الدين
العباده الخاليه من المعامله مش مقبوله
ولا الجنه ممكن يدخلها منقطعين
هينجينا من العذاب لو رجعت الرجوله
نموت شهداء احسن مانكون محتلين
شبعنا من كلام الحكام اصحى بقى ياشعوب
ليه نرضى بالخصام وغاويين نشيل الذنوب
أن الاوان نتكاتف نرجع لله نتوب
ولو منعتنى السياسه فى يوم من الاقتراب
أهد حواجزها واقول قاموسها كداب
لايجوز اكون انا متهنى واخواتى فى عذاب
أخويا لما يحتاجنى مقدرش أرد الباب
سامحينى يا سياسه حبى لاخى غلاب
وان كنتى ناويه صحيح على الثواب
ضمينا -- وحدينا--أحنا من زمان أحباب
(أنما المؤمنون أخوه ) قرأن نزل فى كتاب
وهل بعد كلام الله فيه جدال وعتاب
كل بلد عن بلد اتخلقت لها ميزه
عشان تكون كل واحده عزيزه
تتبادل البلاد مع بعضها المنافع
وقت الحروب تنوب وتدافع
وأحتياج البلاد لبعضها ده دافع
تكون متوحده والحب ده غريزه
عبد الناصر قال امريكا ولا لها لازمه
كلمه اقوى من السلاح عملت هناك أزمه
لما كان كل العرب على بعضها حريصه
----
والامان على أرضهم موجود
وبأمرنا فى لحظه ينجلى
كان الاجنبى مفزوع من دخول داره
لما كنا يد واحده رهن الاشاره
وكانت العرب عرب فى قلوبها الجساره
كان كلنا حضاره واسألوا محمد على
-------
ومصر أم فاتحه ابوابها هى السند
أهلا للى يضم وغاوى يكون أسد
فيها جنود بواسل والشهامه فى الولد
واللى يقول مدد بالامان يتوعد
مفيش أعضاء فى عافيه الا بسلامه الجسد
-----------
انا وطنى ولاحد يمنعنى
اكون مع اخويا بالاصول معنى
وأخاف الله فى الاخره يحاسبنى
ايه يكون جوابى لو سالنى ليه عصيت أمرى
مين عنى يدافع لما ذنوبى تغلبنى
مين يخبينى من جهنم او عنها يتوهنى
لما أسمع مستغيث بينادى انقذنى
او الاقى طفل جعان بيقولى شبعنى
ولايكاه وصوت الاه بيألمنى
اسكت ليه وانا بينهان عرضى
أوعى تقولى فى حد مانعنى
المسانده مطلوبه والسعى فى حب الخير
نوصل لاخواتنا الغلابه نقدر على التغيير
نساعد بمال أغراض من أجل نصر مبين
نلحق روح طاهره طالعه تشتكى التقصير
مع أنى التزمت الصمت
أتحطمت وتألمت
لانى رأيت ما كرهت
شئ غ الفطره جوايا
أخويا لما يفرح تلاقينى وياه فرحت
ولما ينتصر عربى --أنا بنصره توجت
ولما الاقيه بيبكى تلاقينى حزنت
واقول ياريت يادنيا ما كنت اتولدت
وأقولك --- --- ---
أدينى قاعد خلينى مستنى الدور
لما الدبور يجينى وتلاقينى أتقرصت
وبحق الله فى علاه
لو ما فاز أخويا----------- ما فزت
--------------------------------
وحيد احمد
وتحيه لصاحبه الفكره اهديها ذلك العمل