ضلي. بقلم خضر الفقهاء

ضَلّي - يا مَنوة روح أوجعها العنا
طلَّيتِ - أبهرتي فؤادي و ضعتْ أنا -

متل الشمس شعشعتِ من بَعد الغياب
لُمتي العَتــمْ  هالـ كان غافي  بالمُــنى

بعرف بإخلاصك سفينك أبحرت
فيهـا الوفــا متَـلَّلْ يــدُق ابــوابنـا

و خدود شمسك عاهدتْنا بوردها
حتى القمر لملـم صدى  حكاياتنا

ضحكات ، غنج - بينغُـلوا -
ما همّـــنــــــــــــــــــــا ؟؟؟
جنون و هوى و نسمات مو رفقاتنا

ليلة سمر كانتْ لخالي من الهوى
خلّي الهوى يتمسمر بليلاتنا

و تدرَّجي بـشكّ النجوم قلادتك
كوني نجومي - شقورنا و سمراتنا

 لكن بدونك - و المسافة هاجرت
حتى بهمسك ما حِــلِـتْ كلماتنا

لا تلَوّمي ،،،
لا تعتبي ،،،
لا تغضبي ،،،،،
بصالة سفر ناطر وقت رحلاتنا

بدّي أحاكي الريح لو تلعب معي
بدّي أصيح الشوق من موالنـــا

بدّي قلب مجنون يكبح نـزوتي
بدّي مفارش وِدّْ في سهراتنــا

قولك شي صعب كثير ياللي بخاطري ؟
لو طاب لي التزمير  ما لحقت الغُــنى

هاتي الطرب لنعيش موال السَّـعد
نعزف بنــاي الودّ الحان الهَــنــــــا

----  خضر الفقهاء  ---