وحيد احمد ابراهيم

الناس أنواع
-----------------
الناس اتخلقت من طين --- والطين أنواع
نوع زى السباع ياكل --- أخوه لو جاع
ونوع زى الحيوان غاوى--خناق وصراع
ونوع ورد وريحان --- ونوع بريحة النعناع
ونوع كروان فنان ---- له فى الجمال ابداع
انا عاشق كل رقيق --------- للكره مناع
انسان للسلام صديق------فى الحب طماع
انسان ينتقى الكلام ---------على اقتناع
الكلمه الطيبه صدقه -----ولها صناع
الفاظه رقيقه بريئه ---نطقها امتاع
يلخص فى كلمتين ---كل الاوضاع
لما يحضر يرمى السلام
ولما يغادر يقول وداع
صوته مايعلاش بالكلام
يفهم باشارة الصباع
انسان صاحى الضمير--- مايكونش له بياع
انسان لحب الغير --يتمنى الخير --وله مطاع
ماشى مع اتجاه الريح ----فارد الشراع
لابتتغير اخلاقه ولا لابس على وجهه قناع
انسان مثل الطير --مالوش دراع
زى سكون الليل --له فى الهدوء باع
زى القمر فى العلا--واهب لنوره اسطاع
لاعمره قالك حاسبنى--ولالنوره باع
زى نور الشمس---له فى كل حته شعاع
هوه ده الانسان الحقيقى --رقيق الطباع
اللى أختفى من زماننا ---من فوق الارض ضاع
مثل الؤلؤ والمرجان --- تلاقيه مختفى فى القاع
----------------------------------------------
وحيد احمد