الشاعر جهاد حداد

.................. أجرح .................!

وعذبني عكيف كيفك
ما رايد منك الرحمة
اجرح وغمق بقلبي جرحك
واقتل احساسي عمري لك فدوة
تكفيني بيك الكبرة
حبيبي تدلل وانفاسي لك خمرة
خلني بناري ولا تزيد بروحي الحسرة
تراني ذايب بعيونك مثل الراكي عجمرة
احسبني عاشق واموت بغرامك بالفطرة
لا تحسبني متضايق وتخنقني العبرة
بس عيوني فاضحات ما تستر الدمعة
انسابت مثل النور واحترقت مثل شمعة
وشع نور من جرحي
واعطى بحضورك لمعة
وعليت بالكون فرحتي بروعة
ابتسامتك وعيونك عكست اللمعة
صرت احلم بطيفك
واتمنى من الله الجمعة
وادعيلك الله يحميك
ويحمي بروحك البسمة
هويت جرحك
وما همني الالم والدمعة
اعطيني فرصة
اكتب عنك لو جملة
عن حكايا غرامي
يا وردة يا فلة
وانسى كل جراحي
واشيل من قلبي العلة
واقولك عاللساني جف الريق منه
بحاجة حنانك ريحة ماي تبله
لا تبخل علي بضمة
بعد عذابي منوه يلمه

كلمات
الشاعر جهاد حداد
تحياتي