صلاح الجمال

((( الشاعر صلاح الجمال ))) قمر سمايا
خلاص
نوره انطفا جوايا
وشوقي والاحساس
كله بيبكي معايا
اصله قمر خداع
نسي حبي وهوايا
نسي ليالي الشوق
ازاي عدت معايا
دنا كنت كل ليل
بغني فيه مواويل
واوصي موج النيل
يفسرليه الحكاية
لكن طلع ياعين
قمر ملهوش امان
ولا حتى ليه مكان
ونجومه معاه الوان
سماها غير سمايا
خلاص من الليلة ياعين
هنرجع انا وانتي اتنين
واشكيلك كل يوم
حتحبي سواد الليل
وتعشقيه ويايا
علشان قمرنا خلاص
نوره انطفا جوايا