جرعة عشق ..
......................
جرعة عشق ع الريق تسكرني
يا خمرتي داري الهوى و كِنّي
قلبي عليك كثير صار ملهوف
دايب عليك و ناطر تحنّي
روحك عزيزة و غالية هالروح
فتنت فؤادي و عاشت بظني
أنا من مشاعر و انت من إحساس
سكنتِي بروحي و بالنَّفَس مِنّــي
من نبع روحك أشرب الاحساس
طيبة - تِرسيني وتغـرّبني
الله وكيلك و الهوى مكتوب
بشعر بروحك حب بتغنّي
يرضيك ربي يا منى هالروح
قربي لروحك عمر تتهنّي
عم بعشقك و أفرش لك الكلمات
لحتى بحضن الفَي تـنقشني
رح ذَوبك عمر بهنا مليان
يا اللي انت بتوالي رهف فنّي
لَـنعيد عُمرَيْنـا بغير أوجاع
نضحك فرح و الحب يرفدني
فوق الصدر راسك همس موال
تتنهّدي - تزيلي العنـا عنّي
إن تشكي لقلبي أسى الأزمان
تتفضفَضي بالهمس و تحنّي
و تتقلّـبي على كفوف من أشعار
تتمرجحي و تتزهزي و جنّي
و هاتي لشمّك و أنقش الإحساس
ع طراف روحك طرّز بـحِنّي
--- خضر الفقهاء ---
ليست هناك تعليقات:
إرسال تعليق