عم تِغزِليني بخيط
من لهف و ضنى
و تتفنّني بنقضي
و بعثرتيني
طوع الأنامل
و العوامل و الهوى
قلبي بإديكِ
تجرحي
و تِبريني
يا متَكتَــي
خلّي الحكي بيناتنا
فيك أنا المغــروم
بعزقتيني
تتنهدي
و تبكي البراءة بنظرتك
و بتعطفي
لما بـ دَلَع تكويني
و بتعرفي قلبي
الأسير محبّـتك
يشفع عنادك
و العنا يسقيني
رمشك أمرني
و طاع شوقي سطوتك
يا اللي على
نـار الصبر تِشويني
عم تِغزلي و تتغزّلي
شو بنقصك ؟
عم تنسجيني
بعشق
عَجَّنتيني
و تفضفضي و تتنفّضي
و شرع الهوى
بأمرك قضى
و طاع اجتهادك
كيف كَــبَّلتيني ...
--- خضر الفقهاء ---
ليست هناك تعليقات:
إرسال تعليق